Psa 94 | VulgJ | STEP | laus cantici David venite exultemus Domino iubilemus Deo salutari nostro venite laudemus Dominum iubilemus petrae Iesu nostro

Psalms 94

1 laus cantici David venite exultemus Domino iubilemus Deo salutari nostro ^va 2 praeoccupemus faciem eius in confessione et in psalmis iubilemus ei ^va 3 quoniam Deus magnus Dominus et rex magnus super omnes deos ^va 4 quia in manu eius fines terrae et altitudines montium ipsius sunt ^va 5 quoniam ipsius est mare et ipse fecit illud et siccam manus eius formaverunt ^va 6 venite adoremus et procidamus et ploremus ante Dominum qui fecit nos ^va 7 quia ipse est Deus noster et nos populus pascuae eius et oves manus eius ^va 8 hodie si vocem eius audieritis nolite obdurare corda vestra ^va 9 sicut in inritatione secundum diem temptationis in deserto ubi temptaverunt me patres vestri probaverunt *me; et viderunt opera mea ^va 10 quadraginta annis offensus fui generationi illi et dixi semper errant corde ^va 11 et isti non cognoverunt vias meas ut iuravi in ira mea si intrabunt in requiem meam

^va